Маңғыстау облысының жұмыспен қамту орталықтары АӘК жаңа форматын енгізуге дайын

3 Қараша, 2017 19:16

Маңғыстау облысында «Өрлеу» пилотты жобасы басталғаннан бері аймақта 4400-ге жуық адам қатысқан. Олардың 60% -ы тұрақты жұмыспен қамтылды, деп хабарлады Еңбек және халықты әлеуметтік қорғау министрлігінің баспасөз қызметі.

Өрлеу жобасы – бұл әлеуметтік келісімшарт жасасқан және жұмыспен қамтуға жәрдемдесу және әлеуметтік бейімделу шараларына қатысқан жағдайда аз қамтылған азаматтарға (отбасыларға) шартты ақшалай көмекті (бұдан әрі – ШАК) ұсынуды көздейтін пилоттық бағдарлама.

Қазіргі таңда «Өрлеу» жобасын одан әрі жүзеге асыру мақсатында 50 маман оқытылып жатыр. Даярлықтан өткен соң олардың барлығы жұмыспен қамту орталықтарының штатына қабылданатын болады.

Еске сала кетейік, 2018 жылдың 1 қаңтарынан бастап Қазақстанда атаулы әлеуметтік көмектің жаңа форматын енгізіледі. Бағдарлама қатысушылары әрбір отбасы мүшесіне күнкөріс деңгейінің 50% -нан төмен табысы бар азаматтар болады.

Атаулы әлеуметтік көмектің жаңа сипатын қолданысқа енгізу,әлеуметтік көмек алушылардың әлеуметтік жауапкершілігін арттырады, жұмыс табу және өзін-өзі қамтамасыз етуде олардың ынталандыруын арттырады. Сонымен қатар бұл азаматтардың ел экономикасына және қоғам өміріне қатысу деңгейін арттыруға мүмкіндік береді.

Барлық жаңалықтар