Үкіметтегі мемлекеттік комиссия отырысында жекешелендіру мәселелері талқыланды
2 Қараша, 2017 14:14
Бүгін Үкімет үйінде ҚР Премьер-Министрі Бақытжан Сағынтаевтың төрағалығымен ҚР экономикасын жаңғырту мәселелері жөніндегі мемлекеттік комиссияның кезекті отырысы өтті, деп хабарлады primeminister.kz.
Отырыс барысында жекешелендіруге қатысты кейбір мәселелер, соның ішінде «Самұрық-Қазына» ҰӘҚ жобалық кеңсесінің компаниялардың акциялар пакеттерін көпшілік арасында таратуға дайындық жұмыстарына және топтың кейбір активтерін қайта құрылымдау немесе өткізу тәсілдерін бекітуге қатысты ұсыныстары талқыланды. Сондай-ақ, күн тәртібінде «Самұрық-Қазына» басқару жүйесінің реформасына байланысты мәселелер қаралды.
