Астанада жедел әскери қызметке 45 азамат шақырылды (ФОТОРЕПОРТАЖ)
2 Қараша, 2017 15:19
Астанада 45 азаматты Қорғаныс министрлігі – Десанттық –шабуылдау әскерінің бөлімшелерінде жедел әскери қызметке салтанатты шығарып салу шарасы өтті.
Салтанатты шараға әскери-патриоттық клуб пен үйірмелердің тәрбиеленушілері шақырылды.
«Қазақстанда жедел әскери қызметке шақыру жүргізілуде. Биыл Қорғаныс әскерлері мен өзге қызметтерге 1990-1999 жылғы азаматтар шақырылады. Құрметті достар, бүгін сіздер үшін ерекше күн. Отан алдындағы борыштарыңды адал атқарады деп үміттенеміз. Өмірлеріңдегі маңызды кезең басталды. Күш-жігер мен батылдық тілейміз», - деді Астана әкімінің орынбасары Ермек Аманашев.
Астанадан 800-ден астам азамат Қарулы Күштер қатарына қосылды.
