• Басты
  • Астанада «Еуразия» жоғары жылдамдықты магистралінің әлеуеті талқыланды
2 Қараша, 2017 12:30

Астанада «Еуразия» жоғары жылдамдықты магистралінің әлеуеті талқыланды

«Еуразия» жоғары жылдамдықты магистралінің әлеуеті туралы «ТрансЕуразия-2017» көлік-транзиттік әлеуеті туралы мерейтойлық X Халықаралық конференциясында Ресей көлік министрінің орынбасары Алан Лушников айтып өтті.
Астанада «Еуразия» жоғары жылдамдықты  магистралінің әлеуеті талқыланды

«Болашақтың жобасы туралы айтпай кете алмаймын. Біз жаңа жобаларды құруымыз керек. Осындай жаңа жобалардың бірі «Еуразия»  жоғары жылдамдықты жолаушылар тасымалдау темір жолы.  Бірегей жоба, ол Еуразия мен Еуропалық одақ елдері арқылы өтеді. Бұл – Пекин, Астана, Мәскеу, Польша, Берлин», - деді РФ көлік министрінің орынбасары.

 «Еуразия» жоғары жылдамдықты  дәлізі Қытай мен Батыс Еуропаны біріктіреді.

«100 млрд доллар тұратын  жоба  жаңа сапа мен жаңа жылдамдық әкеледі. Еуропа мен Азия арасындағы  саудаға жаңа мағына береді.  «Ресей темір жолдары»  алдын ала техникалық-экономикалық негіз әзірледі. Қазір ол талқыланып жатыр, Еуразия бойынша серіктестермен талқылануда», - деді   Алан Лушников.

«Еуразия» ЖЖМ – темір жол көлігі саласындағы әлем бойынша ірі жоба. Магистральдің ұзындығы  9 447 шақырымды құрайды.

Ақбота Күзекбай

Барлық жаңалықтар