Қызылорданы жылумен жабдықтауға жартты миллионнан астам қаржы бөлінді

2 Қараша, 2017 18:16

Қызылорда облысының энергетика және тұрғын үй-коммуналдық шаруашылық басқармасы 9 айдағы атқарылған жұмыстарды қорытындылады, деп хабарлады облыс әкімдігінің баспасөз қызметі.

Биыл жылумен жабдықтауға облыстық бюджеттен 533,341 млн.теңге бөлінді. Оның ішінде, жылу желілерін жаңғыртуға 9 жоба-сметалық құжаттамаларын мемлекеттік сараптамасымен әзірлеуге бөлінген 87,416 млн.теңгеге жобалау жұмыстары аяқталып, мемлекеттік сараптамаға берілді.

Сондай-ақ, «Қызылорда қаласы Сырдария өзенінің сол жақ жағалауын жылумен қамту (І-кезең)» жоба-сметалық құжаттамаларын мемлекеттік сараптамасымен әзірлеуге бөлінген 101,675 млн.теңгеге, жобалау жұмыстары да аяқталды.

Арал, Қазалы және Жаңақорған аудандарындағы әлеуметтік нысандарының 36 жылу қазандықтарын газ отынына қайта жабдықтау жұмыстарына – 181,144 млн. теңге бөлініп, құрылыс-монтаж жұмыстары жүргізілуде.

«Сонымен қатар, Қызылорда қаласындағы облыстық жұқпалы аурулар ауруханасының бу қазандығын қайта жаңғырту, Қызылорда қаласы Талсуат елді-мекені оңалту орталығының қазандығын газ отынына ауыстыру, Қызылорда қаласындағы №3 қалалық емханасы ғимаратын газдандыру жұмыстарына 175,471 млн. теңге бөлініп, осыған байланысты жұмыстар тиянақталды»-делінген басқарма мәліметінде.

Қызылорда қаласында жылу желілерін жаңғырту және кеңейту бойынша 2018 жылға 8 ЖСҚ-ны "Өңірлерді дамыту-2020" бағдарламасымен қаржыландыруға 4,2 млрд.теңгеге ҚР ИДМ бюджеттік өтінім ұсынылды.

Барлық жаңалықтар