Иордания королі «Нұр Әлем» Болашақ музейіне» барды
1 Қараша, 2017 17:44
ЭКСПО-2017 туристік аймағының ашылуы алдында «Нұр Әлем» Болашақ музейіне» Иордания королі Абдалла II ибн Хусейн барды. Бұл шетелдік қонақтың көрме аяқталған соң жасаған алғашқы сапары.
«Астана ЭКСПО-2017» ҰК» АҚ баспасөз қызметі хабарлағандай, сапар барысында Басқарма төрағасы Ахметжан Есімов Иордания короліне Болашақ музейінің басты жәдігерлерін таныстырды.
Сондай-ақ, А.Есімов көрме нысандарының шарадан кейінгі қолданылуы туралы баяндады.
Өз кезегінде Абдалла II ибн Хусейн Иорданияның ЭКСПО-2017-ге қатысуы екі ел арасындағы ынтымақтастықты нығайтқанын атап өтті.
