Алматыда Исламдық Даму Банкі топтарының форумы өтеді
13 Қаңтар, 2014 17:34
Алматыда 15 қаңтарда Исламдық Даму Банкі топтарының өңірлік форумы өтеді, деп хабарлайды ИДБ баспасөз қызметі.
«Өңірлік форумға 11 ИДБ мүше ел қатысады. Шара аясында соңғы төрт он жылдық ішіндегі топтың қызметі бағаланады. Сонымен қатар, алдағы уақытта атқарылар істер мен келесі он жылдағы басым стратегиялар мен жаһандық және өңірлік мәселелер талқыланады», - делінген хабарламада.
Форумға Премьер-Министрдің орынбасары Индустрия және жаңа технологиялар министрі Әсет Исекешев қатысады.
Хабарламада айтылғандай, форумға қатысушылар Исламдық даму банкі елдерінің экономикалық әріптестік бағдарламалары мен әдістерін зерттейді. Шара аясында «Әлемдік исламдық қаржы секторы дамуының ықпалдастығы» мен «ИДБ топтары мүшелері емес елдердегі мұсылман қоғамның даму ықпалдастығы» тақырыбында семинар өтеді.
