1 қарашадан тіркеудің жаңа механизмі іске қосылады
31 Қазан, 2017 15:16
Ішкі істер министрінің орынбасары Ерлан Тургумбаев: «Біз Әділет министрлігі және «Азаматтар үшін үкімет» Мемлекеттік Корпорациясымен бірге тұрғындарды жергілікті жері бойынша тіркеу шараларын оңайлаттық» деп хабарлады.
Ол үшін пилоттық тексеруден табысты өткен ақпараттық жүйе біріктірілді.
Енді азаматтарға тіркелу кезінде тұрғын үйге иелік құқығын растайтын құжаттарды немесе жылжымайтын мүлікке тіркелген құқығы туралы анықтама ұсыну талап етілмейді.
Мекенжай мәліметтері жүйеге мекенжайдың тіркеу кодының негізінде енгізілетін болады.
Жаңа механизм ағымдағы жылғы 1 қарашадан бастап республиканың барлық өңірлерінде халыққа қызмет көрсету орталықтарында жұмыс істей бастайды.
