Мемлекеттік-жеке меншік әріптестік аясында Корей компаниясының қатысуымен ШҚО-да бірқатар әлеуметтік нысандар салынады

«Бұқтырма су қоймасы, Бұлақ СЭС мен өңірдің таулы жерлеріндегі шағын гидроэлектр станциялары арқылы өтетін көпір құрылысы, Майқапшағай-Зыряновск темір жолы мен Өскемендегі аурухана құрылысы «POSCOE&C» компанясымен бірігіп мемлекеттік-жеке меншік әріптестік аясында салынады», - делінген хабарламада.

Осы жоблалар бойынша қазірдің өзінде 2014 жылғы жоспар дайындалған. Сонымен қатар, мамыр айында «ШҚО-дағы шағын ЭКСПО» өткізу туралы келісімге қол жеткізілді.

Хабарламада айтылғандай, облыс әкімі Корей Республикасына жұмыс сапарын жасап, соның аясында «Каннам Северанс» клиникасы жетекшілерімен және «Ёнсе» медициналық университеті басшыларымен кездесті. Кездесуде әлеуметтік аз қамтылған отбасылардың балаларын Корей клиникаларында емдеу мен ШҚО дәрігерлерінің «Северанс» медициналық орталығы базасында тәжірибеден өту жайы талқыланды.

Айта кету керек, алдағы уақытта ШҚО-на Корей Республикасының кәсіпкерлері келеді деп күтілуде.