Қызылордалық автобус паркі заманауи автобустармен толықты
13 Қаңтар, 2014 16:20
Қызылордадағы автобус паркі жаңа 20 автобуспен толықты. Экологиялық таза көліктер газбен жүреді, деп Қызылорда облысы әкімдігінің баспасөз қызметі хабарлады.
«Былтыр қараша айында Қызылорда облысы әкімдігі, «Байқоңыр» ӘКК мен Еуропалық қайта құру даму банкі арасында мемарандумға қол қойылған болатын. Ол құжат бойынша Қызылорда қаласында заманауи автобус паркі құрылып жаңа жолаушы тасымалдаушы көліктер әкелінбек. Жаңа автобустар сатып алуға Еуропалық қайта құру және даму банкі 18,8 млн, доллар қаражат бөлген», - делінген хабарламада.
Автобустар мүгедек адамдардың мініп түсуіне де ыңғайлы. Автобус паркінің директоры Мұрат Нұғмановтың айтуынша бұл жаңа көліктердің сыйымдылығы 75-80 адам. Көп ұзамай Қызылорда көшелерінде мына су жаңа автобустар пайда болады. Келешекте тағы 100 автобус әкелу жоспарланып отыр.
Айта кетейік, жергілікті мамандарды Қытайдың арнайы білікті мамандары үйрететін болады.
