• Басты
  • Атырауда алғаш рет республикалық «ASAR» үшжақты серіктестік форумы өтуде
30 Қазан, 2017 12:17

Атырауда алғаш рет республикалық «ASAR» үшжақты серіктестік форумы өтуде

Атырау қаласында алғашқы республикалық «ASAR» үшжақты серіктестік форумы өз жұмысын бастады. Форумды өткізудің басты мақсаты мемлекет, коммерциялық емес сектор мен бизнес арасында серіктестіктің тиімді формасын құру болып табылады.
Атырауда алғаш рет республикалық «ASAR» үшжақты серіктестік форумы өтуде

Форумның ашылуында Қазақстан Республикасының Мемлекеттік хатшысы Гүлшара Абдықалықова сөз сөйледі.

«Қазақстанда ҮЕҰ-бизнес-мемлекет форматындағы әлеуметтік серіктестіктің негізі қалыптасқан. Бүгінгі күні мемлекет үшжақты ынтымақтастықты дамыту үшін қажетті жұмыстарды үнемі жетілдіріп отырады. Бірлескен қызмет жаңа идеялар мен технологиялардың  қалыптасуына ықпал етеді, бұл қызметтердің сапасын жақсартуға, жұмыс орындарын құруға және халықтың өмір сүру сапасын жақсартуға серпін болады», - деп атап өтті  Гүлшара Әбдіқалықова.

Мемлекеттік хатшының айтуынша, бұл үдеріске Мемлекет басшысы бастамашы болған «Рухани жаңғыру» бағдарламасының оң  әсері тиді. Бағдарлама шеңберінде жүзеге асырылып жатқан «Туған жер» жобасы жергілікті тұрғындардың өзекті мәселелерін шешу, ұлттық патриотизмді нығайту жолында азаматтардың, ҮЕҰ мен кәсіпкерлерді біріктірудің маңызды құрамдас бөлігіне айналған.  

Форум «ҮЕҰ-бизнес-мемлекет: серіктестіктің жаңа көкжиектері» тақырыбындағы пленарлық сессиямен жалғасын тапты. Сессияға Дін істері және азаматтық қоғам министрі Нұрлан Ермекбаев, Атырау облысының әкімі Нұрлан Ноғаев, «Enactus Kazakhstan» директорлар кеңесінің төрағасы, «Raimbek» компаниясының басшысы Раимбек Баталов, «Атамекен» ұлттық кәсіпкерлер палатасының төрағасының орынбасары Э.Жұмағазиев, сондай-ақ  KazENERGY ассоциациясы, Өскемен титан-магний зауыты сияқты алпауыт компаниялардың, бизнес ұйымдардың, 200-ге жуық ҮЕҰ өкілдері қатысуда.

Форум қатысушылары әлеуметтік жобалар мен идеялар онлайн – жәрмеңкесі аясында кәсіпкерлерден қолдау тапқан жобалармен, сондай-ақ «Рухани жаңғыру» бағдарламасы аясында қалыптастырылған «Әлеуметтік бастамалар картасымен» танысады. Екі күндік форум аясында «Спикер #7» зияткерлік конференциясын, панельдік дискуссиялар, мастер – класстар, интерактивті дәрістер мен семинарлар өткізу жоспарланған.

Форумды ұйымдастырушылар – Қазақстан Республикасы Дін істері және азаматтық қоғам министрлігі, Қазақстан Республикасы «Атамекен» кәсіпкерлердің ұлттық палатасы және Атырау облысының әкімдігі. Іс-шара «Рухани жаңғыру» қоғамдық сананы жаңғырту бағдарламасының бөлігі бола отырып, ҮЕҰ, бизнес және мемлекет үшін жыл сайынғы диалогтық алаңға айналмақ.

Форумның серіктестері -  «Chevron», «Tengizchevroil», «Raimbek Group» ЖШС, Қазақстан жастар конгресі, «Жастар таңдауы- Атырау» ҚҰ және «Азаматтық бастамаларды қолдау орталығы» коммерциялық емес ұйымы.  

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды