• Басты
  • Қызылордада апатты тұрғын үйлердің мәселесі толығымен шешіледі
30 Қазан, 2017 16:13

Қызылордада апатты тұрғын үйлердің мәселесі толығымен шешіледі

Қызылордада тұрғын үйлері апатты деп танылған отбасыларға жаңадан салынған 305 пәтерлік 6 көпқабатты үй пайдалануға берілді. Баспаналы болғандардың ішінде зейнеткерлер, жас және көпбалалы отбасылар мен жұмыссыздар да бар, деп хабарлады облыс әкімдігінің баспасөз қызметі.
Қызылордада апатты тұрғын үйлердің мәселесі толығымен шешіледі | Strategy2050.kz

Облыс әкімі Қ.Көшербаев пәтер иелеріне кілттерін табыстап, тұрғындарды қоныс тойымен құттықтады.

«Біз мемлекеттік бағдарламалар аясында салынған үйлермен қатар, жыл сайын апаттық жағдайдағы үйлердің мәселесін де кезең-кезеңімен шешіп келеміз. Бұған дейін апатты деп танылған үйлердің орнына 204 пәтерлік 4 көпқабатты тұрғын үй пайдалануға берілген болатын. Бүгін осы игілікті істердің жалғасы ретінде Жаппасбай батыр көшесі мен Титов қыстағындағы жаңа мөлтек ауданда 305 пәтерлік 6 көпқабатты тұрғын үйдің кілтін салтанатты түрде табыстағалы тұрмыз. Нәтижесінде биыл қаладағы апаттық жағдайдағы тұрғын үйлердің мәселесі толығымен шешімін тапты деп айтуымызға болады. Осы игі істердің барлығы - Ұлт Көшбасшысы Нұрсұлтан Әбішұлы Назарбаевтың  сындарлы саясатының арқасында қол жеткізіп отырған ең басты жетістігіміз. «Өз үйім – өлең төсегім» деп, басында жеке баспанасы болуын армандамайтын адам жоқ. Үйлі болса, іші жанға толса екен дейді. Бүгін Сіздер сол армандарыңызға қол жеткіздіңіздер, енді іші сәбидің күміс күлкісіне толсын дейміз», - деді облыс әкімі.

Жаңа қонысқа қол жеткізген тұрғындар ризашылықтарын білдіріп, облыс басшысына алғыстарын жеткізді.

Айта кетуіміз керек, 2013 жылы Қызылорда қаласында 300-ге жуық отбасы тұратын 25 апатты үй болған. Бұл мәселені шешу үшін 6 көппәтерлі тұрғын үйдің жобалық-сметалық құжаттамасы әзірленіп, өткен жылдары оның 4-еуі пайдалануға берілді. С

оңғы 4 жылда Қызылорда қаласында 14 шағын аудан бой түзеп, тек осы жылдың өзінде 61 көпқабатты үйдің 24-і пайдалануға берілді. Ал соңғы 4,5 жылда өңірдегі құрылыс көлемі 3,5 есеге, облыс орталығында 8 есеге артты.

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды