Еуразиялық экономикалық комиссия жанындағы бизнес-диалог 17 консультативтік комитет аясында жұмыс істейді – Т. Жақсылықов
«Келісім барысында Ұлттық бизнестің қызығушылығы ескеріледі. Біріншіден, Еуразиялық экономикалық комиссия жанында бизнес – диалог құрылды. Онда кәсіпкерлердің ұлттық палатасы қатысады. Олар консультативтік комитет аясында қатысып отыр, Еуразиялық комиссия аясында олардың 17-сі қатысады. Үйлестіру кеңесінің жұмысында үкіметтік деңгейдегі барлық сұрақтар қарастырылады», - деді вице-министр.
Айта кетерлігі, қазіргі таңда ЕЭК құрылымында 23 департамент қызмет етеді. Олардың жанынан 17 Консультативті комитет құрылды. Мемлекеттік және ұлттық органдардың көмегі арқылы ЕЭК коллегиясының қызметін одан әрі дамытуға бағытталған. ЕЭК Кедендік одақ пен Бірыңғай экономикалық кеңістікті тұрақтандыратын орган, ол 2012 жылдың 2 ақпанынан бастап қызмет істеп келеді.
