Үкіметте Инвестициялық ахуалды жақсарту жөніндегі кеңес отырысы өтті
26 Қазан, 2017 20:01
Үкімет үйінде ҚР Премьер-Министрі Бақытжан Сағынтаев Инвестициялық ахуалды жақсарту жөніндегі кеңестің кезекті отырысын өткізді, деп хабарлады primeminister.kz.
Отырыс барысында қатысушылар салық реформасының іске асырылу барысын, сондай-ақ, ҚР-да зияткерлік меншік құқықтарын күшейту және қорғау мәселелерін талқылады.
Инвестициялық ахуалды жақсарту жөніндегі кеңес ҚР Премьер-Министрінің төрағалығымен, Үкімет қаулысымен 2012 жылғы 1 наурызда еліміздегі инвестициялық ахуалды жақсартуға қатысты жүйелі мәселелерді шешу мақсатында құрылған. Кеңестің басты мақсаты — отандық және шетелдік инвестицияларды тартуға әрі оларды тиімді пайдалануға жәрдемдесу, сондай-ақ, инвесторларға Қазақстандағы жұмыстары барысында пайда болған түйіткілді мәселелерін шешу тұрғысынан қолдау көрсету.
