• Басты
  • Ақтауда «Рухани жаңғыру» бағдарламасы аясында «Керуен» жәрмеңкесі өтуде
27 Қазан, 2017 09:41

Ақтауда «Рухани жаңғыру» бағдарламасы аясында «Керуен» жәрмеңкесі өтуде

Маңғыстау облысының Ақтау қаласында «Рухани жаңғыру» бағдарламасы аясында республикалық деңгейдегі «Керуен» жәрмеңкесі өтуде.

Ақтауда «Рухани жаңғыру» бағдарламасы аясында «Керуен» жәрмеңкесі өтуде | Strategy2050.kz

Ruh.kz хабарлағандай, жәрмеңкеге еліміздің түкпір-түкпірінен келген он саусағынан өнер тамған шеберлер, қолөнершілер, зергерлер мен суретшілер қатысып жатыр. Олар Елордадағы «Экспо-2017» халықаралық көрмесінің «Этноауыл» мен «Көшпенділер» павильонында өз туындыларын көпке ұсынған.

Шеберлер Маңғыстау, Алматы, Талдықорған, Түркістан, Астана, Орал, Атырау, Ақтөбе қалаларынан келген.

«Рухани жаңғыру» аясында өтіп жатқан жәрмеңкедегі шеберлеріміздің барлығы «Экспо-2017» көрмесіне қатысқан болатын. Оған келе алмаған қаншама халық бар. Сондықтан елді өзіміз аралап шығуға бел будық. Көрме-жәрмеңке «Керуен» деп аталады. Өйткені Біз Ақтау қаласынан бастап, Жаңаөзен, Атырау, Құлсары, Орал, Ақсай, Ақтөбе қалаларын аралап, Астанадан аяқтайтын боламыз. Біз бұл шараны «Экспо-2017» көрмесі басталмастан бұрын Шығыс өңірлерде өткізгенбіз. Оның алдына Оңтүстік Қазақстанда болдық. Енді, халықаралық көрме аяқталды екен деп тоқтап қалмай, Батыс Қазақстанға жолға шықтық. Ақтау бізді өте жылы қарсы алды. Бұл шараны өткізуге қолдау көрсеткен қала, облыс әкімдіктеріне алғысымды айтамын», — дейді көрме ұйымдастырушысы, «Пана-Б» қоғамдық қорының төрайымы Бибігүл Карденова.

Жалпы, республикалық деңгейдегі жәрмеңкеге 25 қолөнерші қатысып жатыр. Солардың бірі – Суретшілер одағының  мүшесі Гүлназым Өмірзаққызы. Ол өзімен 30-дан аса жұмысын ала келіпті. Оның ішінде шығармашылық туындылар және кәдесый ретінде дайындалған жұмыстар да бар.

«Мұнда әкелген жұмыстарымыз ата-бабамыздан келе жатқан, бізге аманат болып қалған «бізкесте» өнері бойынша дайындалған. Өзіміз суретші болған соң ұмыт қалдырмай, заманның талабына сай етіп, этно-модерн стилінде картиналар жасаймыз. Бұл өнермен отбасымызбен айналысамыз. Әкем – суретші, анам – қолөнер шебері және әпкем екеуміз осы өнермен айналысып келеміз. Бүгін 30-дан аса жұмысымыз осында тұр. Жібек матаға және теріге күйдіріп салынған туындыларда көбіне шаңырақ, қобыз, төрт-түлік мал, жалпы қазақи дүниелер бейнеленеді», — дейді ол.

Айта кетейік, шымылдығын қазанның 25 көтерген бұл жәрмеңке 29 қазанға  дейін жалғасады.

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды