Жыл басынан бері астаналық 153 мың тұрғын мемқызмет түрін алды
26 Қазан, 2017 20:33
Ағымдағы жылдың қаңтар – қыркүйек айларында қалалықтарға 153 531 мемлекеттік қызмет көрсетілді деп хабарлайды елорда әкімдігінің медиа орталығы.
Қалалық жұмыспен қамту, еңбек және әлеуметтік қорғау басқармасының мәліметінше, жұмыспен қамту саласында 22079, көші-қон саласында 6406, әлеуметтік салада 12046 қызмет көрсетілген.
Сонымен қатар, әлеуметтік қолдауға 110 мыңнан астам адам ие болды. Әлеуметтік көмектің жалпы соммасы 4 млрд теңгеден асады.
Қазіргі таңда 2018 жылдан бастап жаңа форматта мекен-жай бойынша көрсетілетін әлеуметтік көмекті енгізу бойынша халықты ақпараттандыру жұмыстары жүргізіліп жатыр. Тұрғын үй кешендерінде, еңбек ұжымдары мен қала ұйымдарында 224 кездесу өтті.
Бүгінгі күнге дейін жұмыспен қамту, еңбек және әлеуметтік қорғау басқармасы 8 мыңнан астам мүмкіндігі шектеулі азаматқа оңалту қызметтері көрсетілді.
