• Басты
  • Қазақстан мен БАӘ арасында сенімді қарым-қатынас сақталып қалады – Н.Назарбаев
24 Қазан, 2017 18:09

Қазақстан мен БАӘ арасында сенімді қарым-қатынас сақталып қалады – Н.Назарбаев

Қазақстан Президенті Нұрсұлтан Назарбаев Әбу-Дәбидің Тақ мұрагері, Біріккен Араб Әмірлігінің Жоғарғы Бас Қолбасышысының орынбасары шейх Мұхаммед бен Заид Әл Нахаянмен кездесті, деп хабарлады Ақорданың баспасөз қызметі.
Қазақстан мен БАӘ арасында  сенімді қарым-қатынас сақталып қалады – Н.Назарбаев | Strategy2050.kz

Кездесуде Мемлекет басшысы Қазақстан мен Біріккен Араб Әмірліктері арасындағы қарым-қатынас өзара сенімге негізделгенін атап өтіп, оны әрі қарай табысты дамытудың маңыздылығына назар аударды.

" Сіздер бізді халықаралық аренада да, экономикада да әрдайым қолдап келесіздер. Осы жылдар ішінде сіздермен достық қарым-қатынас орнаттық. Қазақстанға ерекше көңіл бөліп отырғандарыңыз үшін ризашылығымды білдіремін", – деді Мемлекет басшысы.

Қазақстан Президенті қазіргі уақытта экономиканың түрлі секторларында, соның ішінде мұнай химиясы, ауыл шаруашылығы және атом өнеркәсібі салаларында бірқатар бірлескен жобаларды іске асыру жоспарланып отырғанын айтты.

Нұрсұлтан Назарбаев мұсылман елдері арасында заманауи технологияларды дамыту жағынан Біріккен Араб Әмірліктері көш бастаушылардың бірі болып отырғанын атап өтті.

 « «Болашақтағы өзгеріске сай боламын десең, бүгін өзің өзгер» деген дана сөз бар. Сіздер сол жолдан таймай келесіздер", – деді Мемлекет басшысы.

Абу-Дабидің тақ мұрагері екі жақты байланыстар серпінді дамып келе жатқанын айтып, Нұрсұлтан Назарбаевтың екі ел арасындағы қарым-қатынасты нығайту ісіндегі белсенді рөліне тоқталды. 

"Біз көп нәрсені сіздерден үйреніп келеміз. Сіздің реформаларыңыз уақыт талабына сай жүргізілуде. Қазақстан Сіздің көреген саясатыңыздың арқасында тұрақты дамып келеді", – деді шейх Мұхаммед бен Заид Әл  Наһаян.   

Келіссөздер барысында тараптар халықаралық және өңірлік күн тәртібіндегі өзекті мәселелерді де талқылады.

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды