Қазақстан және БҰҮ

ҚР-ның БҰҰ Қауіпсіздік Кеңесіндегі төрағалығы күн тәртібін белгілеуге мүмкіндік береді

Эксклюзив
Қазақстан 2018 жылдың қаңтарынан бастап Біріккен Ұлттар Ұйымының Қауіпсіздік Кеңесінде төрағалық етеді. Бұл Қазақстанға қалай әсер ететіндігі туралы Сыртқы істер министрінің орынбасары Ержан Ашықбаев «Strategy2050.kz» АА тілшісіне берген сұхбатында айтты.
Астана қаласы24 Қазан , 17:13

«БҰҰ ҚК-де Қазақстанның төрағалық етуі  белгілі тәртіпте өтеді, әрбір тұрақты емес мүшеге бір немесе бірнеше рет  төрағалық түседі. Егер де елдерді таңдайтын болса, біз екі мәрте төарағалық етер едік. Алайда, Қазақстанға  бір рет қана түсті, 2018 жылдың қаңтарынан бастап төрағалық ету басталады. Бұл күн тәртібін белгілеу мүмкіндігін береді, Қазақстан  заманауи әлемде қандай мәселені өзекті деп тапса, соны алға тарта алады. Жалпы, бұл қызмет қауіпсіздік кеңесінің барлық мүшесіне тиесілі құқық», - деді Е.Ашықбаев.

ҚР БҰҰ ҚК тұрақты өкілі болуды жоспарлап отыр ма деген сұраққа вице-министр ондай мақсат жоқ екенін жеткізді.

«Біз тұрақты мүше болу мақсатын алға қоймадық. Мәселе қауіпсіздік кеңесі мен БҰҰ жүйесінің реформасына қатысты, қазіргі құрамда БҰҰ құрылған кездегі жағдай қалыптасқан.  Үндістан, Жапония, Германия, Бразилия, Нигерия, ОАР және өзге ірі елдердің де тұрақты мүшелікте орны жоқ. Тұрақты емес мүшелер – қауіпсіздік кеңесінің легитимді мүшелері болып табылады. Ал, қауіпсіздік кеңес ұжымдық орган болып саналады, ол тұрақтылық пен қауіпсіздікке жауап береді», - деді Е.Ашықбаев.

Қайрат Жандыбаев

 




Яндекс.Метрика