Жамбыл облысында радикалды ұйымдардың пиғылы талқыланды
24 Қазан, 2017 10:05
ҚР Дін істері және азаматтық қоғам министрлігінің Дін істері комитеті жанынан құрылған Дін істері жөніндегі республикалық ақпараттық-насихат тобы Жамбыл облысында жұмыс істеді. Жергілікті халықпен кездесулер өткізіп, діни ағымдарды таңдауда адаспау туралы үгіт-насихат жүргізді.
Ақпараттық-түсіндіру тобының құрамында министрлік сарапшылары, Қазақстан мұсылмандары діни басқармасы, теологтар мен дінтанушылар бар.
Жиын барысында дәріскерлер діндегі рухани-адамгершілік мәселелерді, экстремистік топтар мен деструктивтік діни бірлестіктерге қарсы түсіндіру жұмыстарын, дәстүрлі исламның қағидаларын насихаттау, дін атын жамылған және радикалды идеяларды деструктивтеу мәселелерін талқылады.
Сарапшылардан құралған ақпараттық-түсіндіру тобының жиынына Тараз қаласының және де облыс аудандарының тұрғындары, өңірдегі қоғамдық кеңестің мүшелері, мемлекеттік және құқық қорғау органдары, дін, БАҚ, еңбек ұжымдары, оқытушылар, мұғалімдер, студенттер, және де спортшылар қатысты.
