• Басты
  • Жапондық ғалымдар Алаш қозғалысының тарихын зерттеуге мүдделі
24 Қазан, 2017 11:34

Жапондық ғалымдар Алаш қозғалысының тарихын зерттеуге мүдделі

Орал қаласында Алаш қозғалысының 100 жылдығына байланысты "Алаштан Тəуелсіздікке жəне Қазақстанның ұлттық бірігуіне" атты халықаралық конференция басталды. Конференцияда Ресей, Өзбекстан, Жапония, Қазақстан ғалымдары баяндама жасауда, деп хабарлады облыс әкімдігінің баспасөз қызметі.

Жапондық ғалымдар Алаш қозғалысының  тарихын зерттеуге мүдделі | Strategy2050.kz

«Алаш идеясы қазіргі Қазақстанның даму бағытымен өзектес.Тарихи тұлғаларымыз мен ұлттық құндылықтарымызды қастерлеу бағытында іс-шаралар жүргізілуде. Елбасының рухани жаңғыру идеясына сəйкес, облысымыздағы 6 тарихи орын Қазақстанның сакральды жерлерінің тізіміне енді. Олардың қатарына Бөкей ордасы тарихи-музей кешені, Жұмағазы хазірет қорымы, Сырым ауданындағы Алашорда музейі, Теректі ауданындағы Тақсай кешені енді.  Алаш қозғалысына 100 жылдығына байланысты жан-жақты зерттеу жұмыстары қолға алынуда», - деді конференцияның маңыздылығына тоқталған облыс əкімі Алтай Көлгінов.

Жапониядағы Хоккайдо университетінің славьян-евразиялық зерттеу орталығының профессоры, доктор Уяма Тамахико Алаш автономиясының құру идеясына тоқталса, РҒА Ресей тарихы институтының бас ғылыми қызметкері, профессор, заң ғылымдарының доктор Василий Христофоров Алаш қозғалысының кеңестік "Шығыс" ұлттық ұйымымен байланысын баяндады.

Конференцияда ғалымдар зерттеу жұмыстарының жаңа нəтижелерін ортаға салады деп күтілуде жəне олармен бірге жергілікті өлкетанушылар, ардагерлер жəне ЖОО оқытушылары мен студенттері Алашорда үкіметінің методологиялық ұстанымдарына қатысты зерттеудің, тарихи жылнаманың, деректанудың өзекті мəселелерін талқыламақ.

Конференция ертең Ресейдің Орынбор қаласында жалғасады.

 

 

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды