Бақытжан Сағынтаев ЭЫДҰ-ның бас хатшысымен кездесті
23 Қазан, 2017 15:59
Үкімет үйінде ҚР Премьер-Министрі Бақытжан Сағынтаев ЭЫДҰ бас хатшысы Анхель Гурриамен кездесу өткізді, деп хабарлады primeminister.kz.
Кездесу барысында Экономикалық ынтымақтастық және даму ұйымымен алдағы ынтымақтастық мәселелері талқыланды.
Қазақстанның ЭЫДҰ-мен ынтымақтастығы 2008 жылдан бастап Орталық Азия, Кавказ және Шығыс Еуропаның 13 елі қатысушылары болып табылатын Еуразиялық бәсекеге қабілеттілік бағдарламасы аясында жүзеге асырылып келеді.
Қазақстанның ЭЫДҰ-мен ынтымақтастығы аясындағы негізгі мақсаттар:ЭЫДҰ экспорттық әлеуетін тарту арқылы ҚР экономикалық өсімін қамтамасыз ету, ЭЫДҰ Еуразиялық бәсекеге қабілеттілік бағдарламасын іске асыру арқылы ҚР бәсекеге қабілеттілігін арттыру;ҚР-ның ЭЫДҰ елдерінің стандарттарына жақындауы және келешекте әлемнің ең дамыған 30 елінің қатарына қосылу.
