• Басты
  • ЭЫДҰ Бас хатшысы Қазақстандағы реформаларға оң баға берді
23 Қазан, 2017 16:21

ЭЫДҰ Бас хатшысы Қазақстандағы реформаларға оң баға берді

Парламент Сенатының Төрағасы Қасым-Жомарт Тоқаев Қазақстанға алғаш рет келген ЭЫДҰ Бас хатшысы Анхель Гурриамен кездесті, деп хабарлады Сенаттың баспасөз қызметі.
ЭЫДҰ Бас хатшысы  Қазақстандағы реформаларға   оң баға берді | Strategy2050.kz

Сенат басшысы Қазақстан халықаралық аренадағы біздің еліміздің маңызды әріптесі болып табылатын ЭЫДҰ-мен ынтымақтастыққа үлкен мән беретінін атап өтті.

«ЭЫДҰ елдері Қазақстан үшін үлгі тұтатын бағдар болып табылады», - деді Қ.Тоқаев.

Тараптар ЭЫДҰ-ның Қазақстанмен ынтымақтастық жөніндегі елдік бағдарламасының жүзеге асуын талқылай келіп, оның өнімділігі мен өзектілігін атап өтті.

ЭЫДҰ-ның Қазақстанға арналған елдік бағдарламасы инклюзивті және тұрақты экономикалық өсуге, шағын және орта бизнесті дамытуға, халықтың осал топтарына қолдау көрсетуге, сондай-ақ гендерлік мәселелерді шешуге жағдай жасауға бағытталған. Елдің бағдарламаның үштен бірі әлеуметтік мәселелерге арналған.

 А.Гурриа Қазақстанда жүргізіліп жатқан реформаларға жоғары баға берді және ЭЫДҰ-ның елімізге қажетті консультативтік көмек көрсетуге дайын екенін атап өтті. ЭЫДҰ Бас хатшысы Қазақстанда Еуразия апталығын өткізуге қолдау білдіргені үшін алғысын білдірді, сондай-ақ Ұйымның парламенттік желісі аясында ынтымақтастықты дамытуды ұсынды.

ЭЫДҰ басшысы Сенат Төрағасын Ұйымның парламенттік шараларына қатысуға шақырды. Кездесу соңында Қ.Тоқаев Қазақстан ЭЫДҰ-ға мүше елдердің тәжірибесін барынша пайдалануға және елдің тұрақты дамуын қамтамасыз ету үшін келешекте Ұйымның сараптамалық әлеуетін пайдалануға ниетті екенін атап өтті.
 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды