• Басты
  • Б.Сұлтанов: «Нұрлы жол» бойынша әр теңгенің жұмсалуы бақыланады
23 Қазан, 2017 11:26

Б.Сұлтанов: «Нұрлы жол» бойынша әр теңгенің жұмсалуы бақыланады

Осы жылдың 9 айында республикалық деңгейде «Нұрлы жол» мемлекеттік бағдарламасы бойынша 320,7 млрд теңге игерілді. Жыл соңына дейін 157 млрд теңгесі игеріледі. Бұл туралы Қаржы министрі Бақыт Сұлтанов Үкімет отырысында мәлімдеді.

Б.Сұлтанов:  «Нұрлы жол»  бойынша әр  теңгенің  жұмсалуы бақыланады | Strategy2050.kz

«Нұрлы жол» мемлекеттік бағдарламасы бойынша 2017 жылы 484,1 млрд теңге қарастырылған, соның ішінде республикалық бюджет есебінен — 164,2 млрд теңге, Ұлттық қордың мақсатты трансферті есебінен — 319,9 млрд теңге қарастырылған.  

«Көлік-логистика инфрақұрылымын дамытуға — 314,7 млрд теңге қарастырылған. 1 қазандағы жағдай бойынша 203,7 млрд теңгесі немесе есепті кезең жоспарының 100% орындалды. Индустриалды инфрақұрылымды дамытуға бөлінген 17,7 млрд теңгенің 12 млрд теңгесі немесе жоспар бойынша 100% игерілді.  ТКШ жаңғырту, сумен және жылумен жабдықтау, су тарту желілеріне 53 млрд теңге қарастырылған. 44,8 млрд теңге сомасы немесе жоспардың 99,9% орындалды.  Білім беру саласында инфрақұрылымды дамытуға — мектептердің құрылысына 71,7 млрд теңге қарастырылған. 1 қазандағы жағдай бойынша өңірлерге 59,5 млрд теңге аударылған, немесе жоспардың 96,7%-ы», - деді Бақыт Сұлтанов.

Сондай-ақ, оның ішінде  4,1 млрд теңгесі орындалды, 302,7 млн теңгесі үнемделіп,  3,8 млрд теңгесі  меңгерілді. Бақыт Сұлтанов  артта қалған өңірлерді де атап өтті – Маңғыстау облысы, Ақмола облысы және ШҚО мен БҚО.

«Біз игеру қаупін анықтау бойынша сараптама жүргіздік. Қорытындысында  республикалық бюджетті  нақтылау  жобасында  шығын  29,7 млрд теңгеге оңтайландырылды, оның ішінде ИДМ-13,3 млрд теңге, ҰЭМ-16,4 млрд теңге.  Бюджетті нақтылау есебі бойынша жыл соңына дейін  157 млрд теңгені игеру қарастырылған.  Оның ішінде орталық органдар – 136,0 млрд теңгені,  өңірлер  24,2 млрд теңгені   игерулері керек», - деді Б.Сұлтанов.

Ол бағдарлама бойынша игерілмеу қаупі туралы айтып өтті.

 «Республикалық  бюджет бойынша  қауіпті аймаққа  6.9 млрд теңге еніп  тұр. Игеру үшін  ҚДБ қарауына  аталмыш соманы жіберіп, Үкіметтің  қаулысымен бекіткен   жөн.  Жергілікті бюджеттерде  игерілмеу қаупі  2,2 млрд теңгені құрап отыр.  Бұл Маңғыстау облысында  3 білім беру нысаны бойынша жұмыстар жүргізілмеді,  қорытындысында  1 млрд теңге  игерілмейді, Ақмола облысы бойынша  184,7 млн теңге инженерлік  инфрақұрылымды  құс фабрикасына салу сот  істеріне байланысты тоқтатылды», - деді ҚМ басшысы.

Бақыт Сұлтанов атап өткендей, мемлекет бөлген   әрбір теңгені жұмсау қатаң бақылауда.

«Бақылау  мемлекеттік сатып алу мен    мердігерлердің салық төлеуі бойынша  жүзеге асырылуда.  Есептік кезеңде  4 аудиттік бағдарлама  жүзеге асты.  9,9 млрд теңге бюджеттік қаржы қамтылды», - деді министр.

Айта кетейік, Үкімет отырысы кезінде  АШМ бірінші вице-министрі Қайрат Айтуғанов  АӨК Мемлекеттік бағдарламасының жүзеге асырылуы туралы баяндады.   

Ақбота Күзекбай 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды