• Басты
  • Қазақстан БАӘ-мен ЭКСПО көрмесін өткізу тәжірибесімен бөлісті
23 Қазан, 2017 09:34

Қазақстан БАӘ-мен ЭКСПО көрмесін өткізу тәжірибесімен бөлісті

Қазақстандық делегация Дубайда өтетін ЭКСПО-2020 көрмесіне арналған халықаралық қатысушылар жиналысына (IPM) қатысты.
Қазақстан БАӘ-мен ЭКСПО көрмесін өткізу тәжірибесімен бөлісті

2020 жылғы 20 қазаннан 2021 жылғы сәуір аралығындағы кезеңде Біріккен Араб Әмірліктерінің Дубай қаласында өтетін ЭКСПО-2020 дүниежүзілік көрмесінің басталуына дейін үш жыл бар. Дубай ЭКСПО-2020 көрмесін ұйымдастырушылар іс-шараға дайындық барысын талқылау үшін 180 елден делегация жинады. Қазақстанның делегациясын «Астана ЭКСПО-2017» ҰК" АҚ Басқарма төрағасы Ахметжан Есімов басқарды.

«Қазақстан үшін ЭКСПО-2020 көрмесіне қатысу – бұл өз жетістіктерін таныстыру мүмкіндігі ғана емес, сонымен қатар біздің елдер арасындағы екіжақты қарым-қатынастарды дамытудың тағы бір жолы да. Дубай ЭКСПО-2020 көрмесінің тақырыбы Астана ЭКСПО-2017 көрмесінің «Болашақтың энергиясы» атты тақырыбына өте ұқсас. Астанада ұсынылған инновациялық әзірлемелер мен идеялар ЭКСПО-2020 көрмесінде одан әрі дами түсетініне сенімдіміз», - деді Ахметжан Есімов екіжақты кездесу барысында.

«Астана ЭКСПО-2017» ҰК" АҚ мен «Дубай ЭКСПО-2020» Бюросы арасындағы Ынтымақтастық туралы келісімді іске асыру аясында Астанада көрме өткізу кезеңінде «Дубай ЭКСПО-2020» Бюросының өкілдері Астанаға бірнеше рет келген болатын. 

«Біз Астана ЭКСПО-2017 көрмесінен алған тәжірибе үшін алғысымызды білдіреміз.  Дубай ЭКСПО-2020 Ұйымдастыру комитеті ЭКСПО көрмесін ұйымдастыру мен өткізудің барлық кезеңдерін іс жүзінде көре алды. Біздің департаменттеріміздің өкілдері көрменің қауіпсіздігін қамтамасыз ету, операциялық басқару және ІТ-жүйелерді қамтамасыз ету мәселелерін зерттеді. Бұл тәжірибе біздің жобамыздың сәтті өткізілуіне көмек болады», - деп атап өтті БАӘ Халықаралық ынтымақтастық жөніндегі мемлекеттік министрі,  «EXPO-2020 DUBAI» Бюросының бас директоры Рим Ибрахим аль-Хашеми.

Жалпы ауданы 438 га болатын көрме кешені  «Jebel Ali» ауданында орналасады.  ЭКСПО-2020 Дубай көрмесі жабылғаннан кейін ол зерттеу орталығы және университет ретінде жұмыс істейтін болады.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды