Атыраудың 10 мектебінде «Е-learning» жүйесі жұмыс істейді
13 Қаңтар, 2014 13:19
Атыраудағы 10 мектепте «Е-learning» электронды оқу жүйесі жұмыс істейді, деп хабарлайды облыстық ішкі саясат басқармасы.
«Сонымен қатар, қазір тағы 5 мектепте «Е-learning» жүйесін енгізу жұмыстары жүргізілуде», - делінген хабарламада.
Жалпы, Атырау қаласындағы 57 мектепте 44 515 оқушы білім алуда.
Бұдан бөлек қала бойынша апаттық жағдайдағы екі мектептің орнына 300 орындық жаңа екі мектеп салынуда. Тағы 5 мектептің жөндеу жұмыстарына байланысты жобалық-сметалық құжаттары дайын тұр.
