• Басты
  • ШҚО-да жаңа кен байыту фабрикасы іске қосылады
20 Қазан, 2017 16:58

ШҚО-да жаңа кен байыту фабрикасы іске қосылады

Қазіргі таңда Шығыс Қазақстанның алтын өндіру саласындағы ірі жобаларының бірі - Жарма ауданында игеріліп жатқан «Бақыршық» пен «Большевик» кен орындары. Атап өту керек, мұндағы алтын қоры 226 тоннаны құрайды. Ал әр тоннадағы алтынның үлесі 7,7 грамм. Бұл республикадағы үздік көрсеткіш, деп хабарлады ШҚО әкімінің баспасөз қызметі.
ШҚО-да   жаңа кен байыту фабрикасы іске қосылады

Аймақ басшысы Даниал Ахметов жұмыс сапары барысында «Бақыршық тау-кен өндіру кәсіпорны» ЖШС ат басын бұрып, кешенде жүріп жатқан құрылыс-монтаждау жұмыстарымен танысты. Жаңа атауын алған «Қызыл» жобасы аталмыш аймақта ауқымды геологиялық барлау жұмыстарын жүргізуге бағытталған. 

Келер жылы инвестор – ресейлік «Полиметалл» компаниясы алғашқы кенді игеріп, жаңа байыту фабрикасын іске қоспақ. Жоспарға сай, мұнда 2 миллионға жуық кенді флотациялық байыту әдісі бойынша өңдейді. Ал 2019 жылы толық іске қосылып, қуаты артқан соң, 10 тоннадан аса алтын концентратын шығарады. 

Атап өту керек, бақыршықтың алтыны морфологиялық құрамына қарай қаншалықты ерекше болса, соншалықты күрделі. Сондықтан, ресейлік инвесторлар ұсынған технология бұрынғысынан тиімді.

«Биылғы инвестициялық капитал 51 млрд теңгені құрайды, былтыр 29 млрд. болған. Компания қолданып отырған жаңа технологияның арқасында келер жылдың бірінші жартысында нысан іске қосылып, жұмысын бастайды деген сенім зор. Айта кетерлігі, компанияның әлеуметтік жобаларды жүзеге асыруға белсене қатысады. Мәселен, Өскемендегі бірқатар аурухананың, атап айтқанда, терапиялық кешеннің құрылысы, «Нұрлы» жол саябағы сияқты ауыз толтырып айтарлық жұмыстарға етене атсалысып жатыр», – деді Даниал Ахметов.       

«Бақыршық тау-кен өндіру кәсіпорны» ЖШС әлеуметтік маңызды жобаларды жүзеге асыру мақсатында жалпы саны 1 млрд. 74 млн.теңге инвестиция құйды. Соның арқасында, Әуезов кентіндегі 20 жыл бойы бос тұрған балабақша ғимараты, сондай-ақ, дәрігерлік амбулатория мен спорт залы күрделі жөндеуден өткізіліп, қолданысқа берілді. Алдағы таңда ауылдағы орта мектеп те жөндеуден өтеді. Ол үшін ШҚО әкімі жергілікті бюджеттен 300 млн. теңге бөлінетінін жеткізді. 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды