Атырау облысының әкімі өңірдегі бензин мәселесі туралы айтты
20 Қазан, 2017 12:58
Атырау облысының әкімі Нұрлан Ноғаев өңірдегі бензин мәселесі туралы Үкіметтегі баспасөз конференциясы барысында айтты.
АИ-92 бензинінің құны 151-ден 158 теңге аралығында тұрақтанды.
«Бүгінгі таңда Атырау мұнай өңдеу зауыты АМӨЗ штатық режимде жұмыс істеп отыр. Басшылықтың мәліметінше, күніне 2,4 мың тонна АИ-92 бензинін өндіреді. Бүгінгі таңда бензин тапшылығы жоқ», - деді Ноғаев.
Оның айтуынша, АМӨЗ-ден бөлек өңірге өзге де жеткізушілер тасымалдайды.
«Жеткізушілер саны 22-ге тең. Өңірде 103 автобекет станциясы бар. Оның құны (АИ-92 бензинінің құны) 151 -158 теңге аралығында ауытқып тұр», - деді әкім.
