Барлық этностар латын әліпбиін енгізу үрдісіне жағдай жасауы керек

19 Қазан, 2017 16:32

Барша қазақстандық этностардың міндеті латын әліпбиін енгізу үрдісіне жағдай жасауы керек, ол бекітілген соң – болашақта мемлекеттік тілді меңгеріп алуы керек. Бұл туралы Елбасы Нұрсұлтан Назарбаевтың атына бағытталған «Қазақстандағы орыс, казак және славян ұйымының қауымдастығы» заңды тұлғалардың республикалық кеңес ұйымының хатында жазылған.

«Қазақстандағы орыс, казак және славян ұйымының қауымдастығы» заңды тұлғалардың республикалық кеңес ұйымы 2017 жылдың 26 қыркүйегінде этномәдени ұйымдардың алдында тұрған қазақ тілінің латын әліпбиіне көшу мәселесін талқылады.

«Бұл үрдіс бірде бір этномәдени ұйымды бейжай қалдырған жоқ. Алда өте күрделі жұмыс күтіп тұр, сенімділік, шыдамдылық, тұрақтылық пен саяси, әлеуметтік, қоғамдық әлеуетті қамтамасыз ету керек. Біз бұл орайда қоғамдық ұйымның жауапкершілігін түсініп отырмыз.

Нұрсұлтан Әбішұлы, «Қазақстандағы орыс, казак және славян ұйымының қауымдастығы» бейбітшілік пен келісімінің нығаюы жолында сіздің тірегіңіз болуды жалғастыратынына сенімді болыңыз. Біз сіздің латын әліпбиіне көшу бастамаңызды толық қолдаймыз.

Жүздеген этностардың дәстүрі мен мәдениеті, өмірлік ұстанымдарының ықпалдасуы қазақстандықтарға теңдессіз рухани байлықты қалыптастырып, бірегей этникаралық қарым-қатынасты орнатуға Ұлт көшбасшымен бірге жетуге мүмкіндік берді. Бұл тәуелсіздік жылдарындағы Қазақстанның барлық жетістігін анықтап, үшінші жаңғыру шешімінің мықты іргетасына айналды.

Ұлы Абай «Ұлттық мүддені қорғаудың басты тетігі – тіл» деп айтқан болатын. Латын әліпбиіне көшу қазақ тілінің бәсекелестігін арттыруға бағытталған, жаңғырту оның барлық әлеуетін тек коммуникация қызметі ретінде ғана емес, рухани жаңғыру бойынша дәнекерші фактор ретінде, ұлттық біртұтастылықты нығайтуға мүмкіндік береді.

Сіздің бастамаңыз қазақстандықтарды орыс тілінен алыстатуды меңземейді. Ол ресми түрде қазақ тілінің қолдану дәрежесімен бірдей деңгейде қалады. Оның алуантүрлілігі мәдениет пен өркениетті біріктіретін мәдениаралық диалог болып табылады.

Біздің міндетіміз барлық қазақстандық этностардың латын әліпбиін енгізу үрдісіне жағдай жасауын қамтамасыз ету. Ол бекітілген соң – болашақта мемлекеттік тілді меңгеріп алуы керек. Бұл біздің түсінігіміз. Біздің бағытымыз. Бұл жұмыстарды біз ғылыми-сарапшылық қауымдастықтар мен елдің барлық өңірлерінде жүргізіп жатырмыз.

Біз қоғамдық келісімді сақтау мен нығайту жолында барлық әрекетке дайынбыз», - делінген хаттың мәтінінде.