Қазақстандық құтқарушылар кәсіби мерекелерін атап өтеді
Қазақстан Республикасының Президенті - Ұлт Көшбасшысы Н.Ә. Назарбаев 1995 жылғы 19 қазанда төтенше жағдайлар және Азаматтық қорғаныс саласындағы уәкілетті орталық атқарушы органды құру туралы Жарлыққа қол қойды. Бұл ТЖ-ның алдын алу және оларды жоюдың тиімді жүйесін құру ісіндегі шешуші сәт болды.
2008 жылы ҚР-дағы кәсіби мерекелер қатарына Құтқарушылар күні қосылды. Осы жылдан бастап өртке қарсы қызмет, құтқару, азаматтық қорғаныс қызметкерлері кәсіби мерекелерін тойлайды.
Айта кетейік, Қазақстан Республикасы Ішкі істер министрлігінің Төтенше жағдайлар комитеті Қазақстан Республикасының заңнамасына сәйкес өрт қауіпсіздігін қамтамасыз ету және Қазақстан Республикасының азаматтық қорғанысын ұйымдастыру бөлігінде азаматтық қорғау саласындағы функцияларды жүзеге асыратын Қазақстан Республикасы Ішкі істер министрлігінің ведомствосы болып табылады.
