Атырау облысында жаңа мектеп ашылды

«Мердігер мекеме «Мұнай Құрылыс Сервис ЛТД» ЖШС директоры Тәңірберген Сәтімбековтің айтуынша, құрылыс жұмыстары ойдағыдай жүріп, белгіленген уақытта тапсырылып отыр», - делінген акиматта.

Бүгінгі күні жаңа мектептің табалдырығын 466 оқушы аттады. Оларға 36 мұғалім білім береді. Мектеп материалдық-техникалық базамен толықтай жабдықталған. Атап айтсақ, үш сыныпта интерактивті тақта, химия кабинеті, екі лингофондық-мультимедиялық кабинет, асхана, акт және спорт залдары бар. Сонымен қатар, 48 жаңа компьютер әкелінген.

«Ағымдағы жылы мектепті қосымша материалдық базамен жабдықтауға қаржы қаралды. Сондай-ақ, бастауыш сыныптарда оқитын 217 бала тегін ыстық тамақпен қамтылған», -  деді Жылыой аудандық білім беру бөлімінің меңгерушісі Светлана Аманшиева.

Құлсары қаласында 55 мың халық тұрады. 2014 жылы №20 орта мектеп 140 орындық «Айналайын» балабақшасына ыңғайластырылып, ауыстырылмақшы. Бұл балабақша биыл көктемде іске қосылады деп жоспарлануда.