Еуразия халқы Ассамблеясы Астанада рухани жаңғыру мәселелерін талқылауда

Еуразия халқы Ассамблеясы – ағымдағы жылғы мамырда Мәскеуде құрылған жаңа ұйым. Ұйым бүгінде әлемнің 30-дан астам мемлекетінің өкілдерін біріктіреді. 

«Еуразия халқы Ассамблеясы – үлкен еуразиялық кеңістікте бейбітшілік және келісім идеясын қолдайтын жеке және заңды тұлғаларды біріктіретін халықаралық одақ. Бүгін біздің кезекті отырысымыз өтуде, бұл Еуразия халқы Ассамблеясының басқарушы органдарының бірі. Біз ассамблеяның қалыптасуымен және оның қызметімен байланысты әр түрлі мәселелерді қарастырамыз», - деді Ресей халқы Ассамблеясы Кеңесінің төрайымы және Еуразия халқы Ассамблеясы бас хатшысының бірінші орынбасары Светлана Смирнова.

С. Смирнованың айтуынша, жақын уақытта Санкт-Петербургте және Францияда Еуразия халқы Ассамблеясының күндері өтеді. 

  Олжас Сүлейменов, Төлеген Мұхамеджанов, Наталья Коржова сияқты белгілі қазақстандықтар Еуразия халқы Ассамблеясының мүшелері болып табылатынын айта кету керек.

«Біздің қазақстандық Ассамблеямыз Еуразия халқы Ассамблеясының қызметіне белсенді қатысатынына сенімдімін», - деп атап өтті Олжас Сүлейменов өз сөзінде. 

Кеңейтілген отырыста Еуразия халқы Ассамблеясының қалыптасуына, Рухани келісім күнін атап өтуге қатысты мәселелер талқыланды.  

Халықаралық конференция өз жұмысын 18 қазанға дейін жалғастырады. Соңғы күні ресейлік және қазақстандық жұлдыздардың қатысуымен, Рухани келісім күніне арналған гала-концерт өтеді.

Ақбота Күзекбай

Автордың суреті