• Басты
  • Қарағанды облысында мемлекеттің қолдауымен жекеменшік балабақшалар ашылады

Қарағанды облысында мемлекеттің қолдауымен жекеменшік балабақшалар ашылады

17 Қазан, 2017 14:32
Қарағанды облысында білім және ғылымды дамыту мемлекеттік бағдарламасын жүзеге асыру үшін биылғы жылы 23,3 млрд теңге бөлінген. Бұл өткен жылмен салыстырғанда 6 млрд теңгеге көбірек.

Өңір әкімдігінде хабарлағандай, бірінші бағдарламалық мақсат – сапалы мектепке дейінгі білім мен тәрбиенің қолжетімді болуы. Жоспар бойынша 3-тен 6 жасқа дейінге балалардың 98,5 пайызы мектепке дейінгі тәрбие және біліммен қамтамасыз етілуі тиіс. Ол үшін балалар мектепке дейінгі мекемелерінде 3830 орын құру жоспарланып отыр.

Білім басқармасының мәлеметтеріне сай бүгінгі таңда балабақшаларда 1730 орын құрылған. Жыл соңына дейін Жезқазған қаласында 320 орындық балабақшаның құрылысы аяқталған соң, сондай-ақ Қарағандыда 1470 орынға шақталған 16 жекеменшік мектепке дейінгі мекемелер ашуды жоспралауының арқасында, сондай-ақ бір жекеменшік балабақшаны қосымша 150 орынға кеңейтуінің арқасында тағы 2100 орын пайда болады. 

Негізгі күш жекеменшік балабақша желісін құруға бағытталған.

«Жыл басынан бері олардың саны 34-тен 49-ға дейін ұлғайды. Балалар саны – 3293-тен 4233-ке дейін көбейді. Жалпы есептегенде жекеменшік ұйымдардағы орындардың үлесі 8%-ды құрайды. Ал жыл соңына дейін оны 11%-ға дейін өсіруді көзделген», - делінген хабарламада. 

Жезқазған қаласында 30 орынға шақталған шағын орталық ашылған. Тағы бір кәсіпкермен 120 орындық жекеменшік балабақша ашуға арналған барлық құжаттарға қол қойылған.

Теміртауда МЖС бағдарламасы бойынша жұмыс істейтін 12 жекеменшік балабақша бар. 

Барлық жаңалықтар