Астанада пластикалық профиль шығаратын зауыт толық қуаттылыққа шығады

Профиль шығаруға қажет барлық керек-жарақ Германиядан әкелінген. Яғни, сол жақта жұмыс жасап тұрған зауытты бар технологиясымен Қазақстанға көшіріп әкелген, деп хабарлайды Астана қаласы әкімдігінің медиа орталығы.

Зауыттың толық қуаты жылына 7 мың дайын өнім шығаруға қауқарлы. Бірақ, қазіргі кезде зауыт толық қуатында жұмыс жасап тұрған жоқ. Бүгінгі күні зауыт жылына 5 мың тонна дайын өнім шығару қуатымен жұмыс жасауда.

«Зауытты 2013 жылы аштық. Келер жылы ашылғанына 5 жыл толады. Бірақ бұл зауыт үшін, бизнес үшін өте аз мерзім. Дегенмен біз Үкіметтін, Астана қаласы әкімдігінің қолдауымен осы уақыттын ішінде мол жетістікке қол жеткіздік. Қазақстан нарығында 5 жыл жұмыс жасаудамыз», -дейді бас директер Егор Херляйн.

Профил шығаруда неміс технологиясы толық сақталған. Дайын өнім шығаруға қажет шикізат шетелден жеткізіледі. Оның ішінде шикізаттын 70 пайызы Германиядан, қалған 30%-ы басқа елдерден. Зауыт толық автоматтандырылған. Өнімнің барлық шығарылу барысы көз алдыңызда жүріп жатады.

«Ашылған кезде біз шетелдік мамандарға тәуелді болдық, зауытта солар жұмыс жасады. Бірақ бірте-бірте оларды жергілікті мамандармен алмастырдық. Әрине қазақстан азаматтарын оқыттық, ал зауытта жұмыс жасаған шетелдік амамандар тәжірибелерімен бөлісіп, білгенін үйретті. Осы күні зауытта өзіміз оқытқан 15 маман жұмыс жасайды. Және зауыт қазіргі таңда шетелдік мамандарға тәуелді емес. Тек олар келіп кетіп оқытып, тәжірибелерімен бөлісіп, сапаны қадағалайды. Ал, зауыт барлығы 70 адамға жұмыс беріп отыр»,- дейді бас директор Егор Херляйн.

Зауыт өнімі қазақстанмен қатар таяу шетелгеде сатылады. Атап айтсақ: Ресей, Қырғызстан. Зауыттын дайын өнімін осы елдерде сатумен айналысатын өкілдері бар. Дайын өнімге ішкі рынокта сұраныс жоғары. Енді мақсат зауыттын толық қуатта жұмыс жасауы үшін компания келер жылдан бастап экспортты арттырмақ.