ШҚО-да жаңа инсульт орталығы ашылады
16 Қазан, 2017 16:12
Зырян ауданы тұрғындарына жедел көмек көрсетуге арналған Инсульт орталығы 2018 жылы ашылады, деп хабарлады ШҚО әкімінің баспасөз қызметі.
Облыс әкімі Даниал Ахметов ауданға жасаған жұмыс сапарында денсаулық сақтау басқармасы басшылығына мәселені жан-жақты зерделеп, арнайы ғимарат әзірлеуді тапсырды.
«Мәселен, Күршім ауданындағы Марқакөл ауылы орталықтан 140 шақырым қашықтықта орналасқан. Бірақ, ол жердегі босандыру бөлімі не себепті жабылғаны түсініксіз. Қайта ашуды тапсырамын. Тұрғындарға мұндай алыс жерге қатынау қолайсыз және үлгермей қалулары мүмкін. Бұл жағдай инсульт орталығына да қатысты. Ол xалыққа қажет. Мейлі құны 500-600 миллион болсын, біз қаржы бөлеміз», - деді Даниал Аxметов.
Аймақ басшысы сондай-ақ, Зырян қалалық ауруxана негізінде ашылатын орталық барлық қажетті заманауи құрылғылармен толық жабдықталу қажеттігін ерекше атап өтті.
