Алматы облысында күн электр станциясын салу жоспарлануда
Оңтүстік Кореяның New Force компаниясы Ұйғыр ауданы аумағында күн электр станцияларын салуға ниет білдірді.
Облыс әкімдігінде болашақ электр станциясын орналастыру үшін 300 гектар бөлу жоспарланып отырғаны атап өтілді. Алғашқы 8 ай ішінде күн батареялары 30 мВт бөлетін болады, станция толық қуаттылығына 2 жылдан кейін шығатын болады. Ауданда 70-ке жуық жұмыс орны ашылады.
«Инвестициялар тарту жөніндегі бірқатар іс-шаралардан кейін ұқсас жасыл технологияларды "Қорғас" ХШЫО аумағында да енгізу жоспарланып отыр. Болашақта Қазақстан мен Оңтүстік Корея кәсіпкерлерінің іскерлік кеңесін құруды да ойластырып жатырмыз», - деді Алматы облысы кәсіпкерлер палатасы директорының орынбасары Қанат Қабдиев.
Бұдан бөлек, инвестициялар тарту және инвесторлармен тиімді жұмыс жүргізу мақсатында "Қорғас" ХШЫҰ" АҚ инвестициялық комитетіне палата өкілі енгізілетін болады.
