Павлодар облысында «Серпін» жобасына қатысушы студенттердің саны артуда

Колледждерде білім алу үшін қолайлы жағдай жасалған, мысалы: заманауи оқу аудиториялары мен ғылыми зертханалар, кітапханалар, спорт залдары және т.б.

Өңірімізде «Серпін» жобасы бойынша білім алатын студенттер саны жыл санап артып келеді  (2014 ж. – 50 адам, 2015 ж. – 175 адам, 2016 ж. – 185 адам, 2017 ж. – 200 адам).

2017 жылы студенттердің алғашқы легі – 67 адам оқуын тәмамдады   (Павлодар технологиялық колледжі – 47 адам, бизнес колледжі – 20 адам).

Осы түлектерді аймақта бекіту мақсатында колледждердің әкімшіліктері жыл бойы жұмыспен қамтуды үйлестіру және әлеуметтік бағдарламалар, кәсіпкерлік, жастар бастамасын қолдау басқармалары өкілдерінің қатысуымен сұхбаттар, әлеуметтік серіктестерді тартумен дөңгелек үстел отырыстарын, бос жұмыс орындарының жәрмеңкелерін өткізіп тұрды.

2017 жылғы 5 – 10 қазан күндері білім беру басқармасының бастамасымен жұмыспен қамтуды үйлестіру және әлеуметтік бағдарламалар басқармасының көші-қон бөлімінің басшысы Меруерт Есембаевамен еліміздің жұмыс күші мол аймақтардан азаматтарды көшіру жөніндегі кейбір мәселелер бойынша кездесулер өткізілді.

Студенттермен кездесу диалог алаңы форматында өтті. М. Есембаева 2017-2021 жылдарға арналған «Нәтижелі жұмыспен қамту және жаппай кәсіпкерлікті дамыту, еңбек ресурстарының мобильдігін арттыру» бағдарламасының үшінші бағытын іске асыру бойынша түсіндіру жұмыстарын жүргізді.

Кездесулерге облыстың 6 колледжінің 315 студенті қатысты. Оның ішінде Павлодар технологиялық колледжінің, бизнес колледждің, химия-механикалық колледжінің, Красноармейка аграрлық-техникалық колледжінің және Жаяу Мұса атындағы Ақсу колледжінің студенттері бар.