КО елдерімен өзара тауар айналымның жылдық өсім қарқыны 16% құрады – Т.Жақсылықов

«Кедендік одақ елдерімен өзара тауар айналымы көлемінің жылдық өсімінің  қарқыны 15,8% құрады. Соңғы үш жылда, яғни былтырды қоспағандағы 2010-2012 жылдары Кеден одағы аумағындағы тауар айналымы екі есеге артты. Нақтылап айтқанда, Ресей және Беларусь елдерімен Қазақстанның тауар айналымы 24,5 млрд. долларға жетіп отыр, оның ішінде басым үлес Ресеймен арада орын алған», - дейді Жақсылықов.

Бұл ретте импорт пен экспорт көрсеткіштерінің өзгерісіне келсек, жағымсыз болжамдарға қарамастан бұл бағыттағы сандар бір деңгейде болып отыр. Өйткені, импорт пен экспорт та бірдей үш жыл ішінде 91 және 92 пайызға дейін өсіп отыр.

2013 жылдың қаңтар-қазан айлары аралығында Кеден одағы елдерінің өзара тауар айналымы 52,9 млрд. долларды құрады. Бұл 2012 жылдың осы кезеңдегі көрсеткішіне қарағанда шамамен 6 пайызға төмен.

«Жалпы ұлттық режим 2014 жылдың 1 қаңтарынан енгізіледі. Оның айтуынша, ұлттық режимде мемлекеттік сатып алуларға отандық өндірушілермен қатар шетелдік өндірушілердің қатысуы қарастырылады. «Ресей мен Беларусь мұндай режимді бір-біріне 2012 жылы ұсынған болатын. Біз екі жыл өтпелі кезеңді алдық. Жалпы, біздің жеткізушілеріміз ендігіде Ресей мен Беларусь елдерінің мемлекеттік және муниципалдық сатып алуларына қатыса алатын болады», - дейді вице-министр.