Шығыс Қазақстанда жаңа DAEWOO модельді автобустар мен жүк көліктері шығарыла бастады
10 Қаңтар, 2014 17:30
Семейдегі «СемАЗ» ЖШС жаңа DAEWOO модельді автобустар мен SHAСMAN маркалы жүк көліктерін шығара бастады.
«СемАЗ» ЖШС отандық жинақпен шығарылатын автотехникалар түрін көбейтті», - делінген акиматта.
ЖШС-тің бас директоры Асемқан Досқожановтың айтуынша, SHAСMAN көлігі – өздігінен жүк аударатын қасиетке ие жүк көлігі.
«Жоспар бойынша жылына мың жүк көлігін шығармақпыз. Олардың жүк көтеру мүмкіндігі 25 тоннаға дейін жетеді. Шассалар Қытай зауыттарынан дайындалып әкелінген кешендерден жиналады. Олар неміс технологиясы бойынша құрастырылған. Ал көліктің шанағы «СемАЗ» ЖШС-де дайындалады», - дейді кәсіпкерлік жетекшісі.
Айта кету керек, зауыт Қазақстанға, кейіннен ТМД елдеріне көліктерді сатуды көздеп отыр.
