• Басты
  • Көкшетауда халықтың діни сауаттылығын арттыру бойынша іс-шаралар өткізілді

Көкшетауда халықтың діни сауаттылығын арттыру бойынша іс-шаралар өткізілді

10 Қазан, 2017 20:14
ҚР Дін істері және азаматтық қоғам министрлігінің Дін істері комитеті жанынан құрылған Дін істері жөніндегі республикалық ақпараттық-насихаттау тобы Ақмола облысында ақпараттық-насихаттау жұмыстарын жүргізді.

 Семинарлар мен кездесулерде күн тәртібіне қойылған басты мәселе  ̶  өңірдегі дәстүрлі емес діни ағымдармен қарсы күрес шараларын кешенді жүргізу.

Делегация құрамына аталған саладағы жетекші мамандар мен сарапшылар кіреді.

 Бүгінгі уақытта дәстүрлі емес діни ағамдар аса өзекті түйіткілді мәселеге айналып отыр. Көптеген жастар бұл істің толық аспектісінен хабарсыз болып, жат елдің ағымына енуде. Бұның соңы отбасының ойран, тағдырлардың талқан болуына әкеп соғатындығын айтқан дінтанушы Толғанай Мұстафина, деструктивті діни ағымдар– бұл әдетте қатал ирархиялық құрылымы бар ереже сияқты.

« Жалпыға ортақ құқық пен адамдардың жеке қызығушылығына қауіп төндіріп, әсіресе, жалған «діни мотив» атын жамылғандардың ықпалы  жастарға бірінші кезекте әсер етеді», - деді Толғанай Мұстафина.

Деструктивті діни ұйымының азғырып-көндіру іс-әрекеті барысында жастардың бойында мынадай негатив байқалуы мүмкін.

«Туған жерінің мәдениетін, салт-дәстүрлерін, ата-бабаларының аруағын, патриоттықты сыйламау, діни тематикаға шамадан тыс қызығушылық таныту, "мұғалім", "тәлімгерінің" талаптарын мүлтіксіз орындау, үйренген ортасымен қарым-қатынас орнатуда қызығушылығын жоғалту, дағдыланған қызығушылықтарынан бас тарту (спорт, шығармашылық, қосымша сабақтар);пікірлестерімен" телефон арқылы немесе интернет-кеңістікте шамадан тыс, жақын қарым-қатынас орнату;», ̶ дейді сарапшы.

Айта кетерлігі, кездесулер барысында дәстүрлі емес діни ағымдардың жақтаушыларымен жеке түсіндурі жұмыстары жүргізілді. Осы санаттағы азаматтармен Көкшетау қаласындағы «Науан Хазрет», Степногорск қаласындағы «Пан Нұрмағамбет» және де облыс аудандарындағы мешіттерде кездесу өткізілді. Сондай-ақ, осындай кездесулер түзету мекемелеріндегі сотталғандармен оның ішінде дәстүрлі емес діни ағымдардың жақтаушыларымен де болып өтті. 

 

Барлық жаңалықтар