Маңғыстау облысының Батыр ауылдық округінде тұңғыш мектеп ашылды
10 Қаңтар, 2014 16:40
Маңғыстау облысының Батыр ауылдық округінде №10 орта мектептің салтанатты ашылуы өтті.
«Енді оқушылар көрші ауылдарға білім алуға бармайды. Мекеме қолданысқа берілгелі 3 ауысыммен білім беру талқылануда. №10 орта мектептің ашылу рәсімінде ұстаздар облыс әкімінен автокөлік кілттеріне ие болды», - делінген акиматта.
Мектепте 170 оқушы білім алатын болады.
Сондай-ақ, жаңа мектепте сапалы білім алуға барлық жағдай жасалған. Мекемеде компьютерлік сыныптар, биология кабинет, спорттық зал бар.
Бүгінде білім беру ошағында 30 оқытушы білім беруде. Айта кетерлігі, елді-мекенде дәрігерлік амбулаторияның құрылысы мен балабақшаның құрылысы жоспарлануда.
