La Scala театрының гастролі аясында Астанаға әлемнің ең үздік балет жұлдыздары келеді
10 Қаңтар, 2014 16:20
2014 жылдың 30 маусымы мен 4 шілдесі аралығында Италияның La Scala театрының Астанаға жасайтын гастролі аясында Қазақстанға әлемнің ең үздік балет жұлдыздары келеді, деп мәлімдеді «Астана Опера» театрындағы баспасөз конференциясында театр директоры Төлеген Мұхамеджанов.
«La Scala балеті – екі труппаға бөлінетін өте қызықты қойылым. Яғни труппаның өзі мен шақырылатын солистер әлемдік жұлдыздардан құралған. Аталмыш өнер ұжымы биылғы жазда Астанада өзінің шеберліктерін паш етеді», - дейді Т.Мұхамеджанов.
Есетіріңізге сала кетейік, 2014 жылдың 30 маусымы мен 4 шілдесі аралығында Италияның La Scala театрының Астанадағы «Астана Операсына» сапары жоспарланған. Аты аңызға айналған атақты ұжым «Дон Кихот» спектаклін қоймақ.
Мұхамеджановтың мәлімдеуінше, «Дон Кихотқа» билеттер өткен жылдың желтоқсан айынан бастап сатыла бастаған.
«Қазіргі таңда La Scala қойылымына билеттердің төрттен бірі сатылған. Атап айтар болсақ олар 5600 дана. Спектакль билеттерінің құны 500-30 000 теңге араығында», - дейді театр директоры.
