Е.Тоғжанов Корея елшісімен кездесті
11 Қазан, 2017 10:57
Өңір басшысы Ералы Тоғжанов Корей Республикасының Қазақстан Республикасындағы Төтенше және Өкілетті елшісі Дэсик Кимді қабылдады.
Маңғыстау облысының әкімдігі хабарлағандай, кездесу кезінде облыс әкімі мәртебелі мейманға аймақтың әлеуметтік-экономикалық даму үрдісі туралы әңгімеледі.
Маңғыстау облысы мен Корей Республикасы арасындағы экономикалық ынтымақтастық көрсеткіштерінің артуы - екіжақты сауда-экономикалық қарым-қатынастардың нығая түскендігінің көрінісі.
Облыс әкімі екіжақты экономикалық байланыстарды одан әрі нығайту үшін әкімдік тарапынан әрқашан қолдау көрсетуге дайын екенін жеткізді.
