Әліпбидің соңғы нұсқасы өте қолайлы – А.Мұхамедиұлы

«Президент және қатысып отырған ғалымдар мен баяндамашылар ұсынылған әліпбиді оңтайлы деп таныды.  Егер нақты ұсыныстар болса, әліпби тағы да өзгертілуі мүмкін. Бірақ, шындығында, бәрі де әліпбидің соңғы нұсқасының өте ыңғайлылығымен келісті»,-дейді А.Мұхамедиұлы.

Ruh.kz   хабарлағандай,  министр сонымен қатар, бұл әліпбидің соңғы нұсқасы еместігін атап өтті.

«Қазір үкімет, бұрынғыдай, қоғам тарапынан келіп түсетін кез-келген ұсынысты қошаметтейді. Мысалы, «w» әрпі бойынша көптеген нұсқалар болды – олардың бәріне де құлақ астық. Егер, қазір тағы да нұсқалар, пікірлер болатын болса, олар талқыланады. Елімізде латын әліпбиін енгізу кенеттен жүрмейтін болады. Арнайы мемлекеттік бағдарлама жасалады, бұл бей-берекет әрекет болмайды. Бұл белсенді оқу үрдісі де, енгізу бойынша үрдіс те, қолдану бойынша да үрдіс болмақ», - деп ойын қорытындылады А. Мұхамедиұлы.

Естеріңізге салсақ, ҚР Президенті Нұрсұлтан Назарбаев мемлекеттік тілді латын қарпіне көшіру жөніндегі жобаны іске асыру үшін құрылған жұмыс тобының мүшелерімен кездесу өткізді. Жиында Мемлекет басшысына қоғамдық талқылаулар барысында келіп түскен ұсыныстарды ескере отырып әзірленген қазақ тілінің латын қарпіне негізделген бірыңғай стандартының жобасы ұсынылды.