ҚР-да 2013 жылы құрылыстағы баға 3,3%-ға өсті
10 Қаңтар, 2014 15:20
ҚР-да құрылыс саласындағы баға 3,3%-ға өсті, деп ҚР Статистика агенттігінің баспасөз қызметі хабарлады.
«Өткен жылы баға құрылыс-монтаж жұмыстарына 3,5%, машиналар мен жабдықтарға – 1,3%, өзге де жұмыстар мен шығындарға – 4%-ға өсті», - делінген хабарламада.
Электр жабдықтарын сатып алу бағасы бір жыл ішінде 10,4%, құмның – 5,1%, ламинатты – 3%, ғаныш картонды – 2,9%, малтатасты – 2,8%, қиыршықтасты – 1,6%, ағаш материалдарын – 1,3%-ға өсті.
Жиналмалы құрылыс метал конструкцияларының бағасы 3,3%, кірпіштің – 1,1%-ға төмендеді.
