Қазақстан соңғы жылдары Тәжікстанның негізгі сыртқы сауда әріптестерінің үштігіне кіреді – Н.Сейтімов

10 Қазан, 2017 12:57

Душанбе қаласында Қазақстанда шығарылған автомобильдердің 55 дана алғашқы партиясын «Холдинг Азия групп Таджикистан» ЖАҚ таксомотор паркіне тапсыруға арналған салтанатты іс-шара өтті, деп хабарлады СІМ.

Ведомство хабарлағандай, биылғы сәуір айында «Экспорттық сақтандыру компаниясы «KazakhExport» АҚ қолдауымен қазақстандық автоөндірушілер («СарыарқаАвтоПром» және «Hyundai Trans Auto») және «Азия групп Таджикистан» холдингі арасында 2000 автомобиль (1000 «Peugeot 2012» маркісі және 1000 «JAC S3» маркісі) жеткізуге жалпы құны 24 млн. АҚШ долларын құрайтын келісімшартқа қол қойылған болатын.

Бұл іс-шараға Қазақстанның Тәжікстандағы Елшісі Нұрлан Сейтімов, Тәжікстан Республикасының Көлік министрі Худоёр Худоёрзода, Душанбе қаласы Төрағасының орынбасары Курбон Тагай Саидзода, сондай-ақ іскер, қоғамдық орталар мен БАҚ өкілдері қатысты.

Өз сөзінде Н. Сейтімов Қазақстан мен Тәжікстанның арасындағы өзара сауданың жоғары деңгейін атап өтті. Бұл орайда, Қазақстан соңғы жылдары Тәжікстанның негізгі сыртқысауда әріптестерінің үштігіне кіреді. 2017 жылы қаңтар-тамызда Қазақстан мен Тәжікстан арасындағы тауар айналымының көлемі 525,1 млн. АҚШ долларын құрап, ол 2016 жылдың сол кезеңімен салыстырғанда 29,7%-ға жоғары.

Сонымен қатар, Елші екі елдің шаруашылық субъектілері арасында Тәжікстанға қазақстандық тауарларды жеткізілімі кезіндегі кооперациялық байланыстарды арттырудағы «KazakhExport» ЭСК» АҚ маңызды рөліне назар аударды. Сондай-ақ, «KazakhExport» құралдары мен мүмкіндіктерін таныстырып, Елшілік тарапынан осы Компания мен тәжікстандық импортерлер арасындағы байланыстарды дамытуға қажетті жәрдем көрсетуге дайындығын білдірді.

Барлық жаңалықтар