2013 жылы Павлодарда ЖБО камерасы арқылы 6 мыңға жуық құқық бұзушылық анықталған
10 Қаңтар, 2014 14:17
Павлодар облысының ІІД-де Жедел басқару орталығы жұмысының қорытындысы шығарылды, деп облыс әкімдігінің ресми порталы хабарлады.
«Камералардың көмегімен 82 қылмыстың беті ашылып, 5924 әкімшілік құқық бұзушылық анықталды және жойылды; олардың ішінде кішігірім бұзақылық – 1705, қоғамдық орындарда мас күйінде жүру – 955, жол ережесін бұзу – 2709», - делінген хабарламада.
2013 жылы Павлодар қаласы көшелеріндегі бейнебақылау камералары санын арттыру мақсатында қосымша 24 камера қойылған болатын, деп хабарлады Павлодар облысы ІІД-нің баспасөз қызметінен.
Жалпы, қала аумағында 64 бейнекамера жұмыс істеуде.
