Ақтаудағы спорт фестиваліне 1,5 мың мектеп оқушылары мен колледж студенттері қатысты

««Есірткіге елікпе, спортты ал серікке». Ақтауда осындай атаумен жас спортшылардың облыстық фестивалі өтті. Дүбірлі додағы түбегіміздің түпкір-түпкірінен 1500-ге жуық балғын жиналды», - делінген хабарламада.  

Фестиваль қатысушылары жас ерекшеліктеріне қарай саты және шытырман бойынша жүгіруден жарысқа түсті. Шымыр өрендер 16, 24 келі салмақтағы кір тасын көтерді. Білек сынасып, қазақтың ұлттық ойыны арқан тартысты.

 ««Қазақстан - 2050» Стратегия бағдарламасында азаматтардың денсаулығы мен білімін, соның ішінде жастар қоғамының саламатты өмір салтын сақтауын мақсатты, үлкен міндеттердің бірі ретінде қарастырған болатын. Осы бағытта Маңғыстау аймақтық дене тәрбиесі орталығы «Есірткіге елікпе, спортты ал серікке» деген фестиваль өткізіп отырмыз. Осы шараны ұйымдастыруға қала әкімдігі үлкен қолдау көрсеттіжәне осы жөнінде алғысымды айтқым келеді», - МО аймақтық дене тәрбиесі орталығының директоры Бақыт Таңбайұлы.

Бұдан өзге, қатысушылар викториналық сауалдарға жауап беріп , ұшқыр ойлы ұландар түрлі сыйлықтарды қоржынына байлады. Мұндай фестиваль 2 жылда бір рет    ұйымдастырылатын болады.