Қазақстан делегациясы ИСЕСКО атқарушы кеңесінің 38-ші сессиясына қатысты
6 Қазан, 2017 15:56
Қазақстан делегациясы Қазақстанның Мысырдағы елшісі Арман Исағалиевтың төрағалығымен ИСЕСКО атқарушы кеңесінің 38-ші сессиясына қатысты, деп хабарлады СІМ баспасөз қызметі.
Шараға Марокко Үкіметінің мүшелері, ИСЕСКО мүше елдерінің делегациясы, халықаралық ұйым өкілдері, ислам ұйымының сарапшылары қатысты.
Кездесу барысында 2016 жылы атқарылған істер мен алдағы кезеңге жоспарланған шаралар қаралды.
Шара алаңында Елші ИСЕСКО-ның бас директорымен кездесті. Тараптар Қазақстан мен ИСЕСКО арасындағы ынтымақтастық мәселелерін талқылады.
