Қазақстан мен ЕО арасындағы сауда айналымы 27 пайызға өскен

6 Қазан, 2017 10:34

Қазақстан мен Еуропалық одақ арасындағы кеңейтілген әріптестік пен ынтымақтастық туралы келісім қарым-қатынастарды жаңа деңгейге шығарып үлгерді, деп хабарлады ҚР СІМ.

Ведомствоның хабарламасына сәйкес, ЕО-ға мүше барлық мемлекеттердің Келісімді ратификациялауы және оның толық күшіне енуі өзара іс-қимылды кеңейтіп, нығайтуға мүмкіндік береді. Осы ретте Еуропалық Одақ Қазақстанның ірі сауда-экономикалық және инвестициялық әріптесі болып қалады.

Брюссельде өткен Берлин Еуразиялық Клубының 21-ші отырысында екі тараптың кәсіпкерлері үшін қандай пайда болатыны туралы айтылды.

"Қазақстан Республикасы мен Еуропалық Одақ арасындағы кеңейтілген әріптестік пен ынтымақтастық туралы келісім" деп аталған іс-шараға еуропалық және қазақстандық дипломаттар, сарапшылар, іскерлік топ және БАҚ өкілдері қатысты.

Іс-шарада екіжақты тауар айналымының оң динамикасына және ынтымақтастықты жандандырудың маңыздылығына баса назар аударылды. Сондай-ақ визалық режимді оңайлату мәселелеріне де тоқталды.

Отырысқа қатысушылардың пікірі бойынша, ҚР-ның бірқатар саяси бастамалары аясында саясаткерлер, сарапшылар, іскерлік топтар арасында толық пікірталас өткізу заманауи және маңызды болып табылады.

Берлин Еуразиялық Клубының отырысы "экономикалық дипломатияны" ілгерілету аясында ұйымдастырылды.