Астанада колледждер базасында үш ресурстық орталық ашу жоспарлануда

5 Қазан, 2017 19:56

Астана колледждерінде алты жаңа мамандық ашылды. Бұл туралы қалалық әкімдікте хабарланды.

«Астана қаласының колледждерінде 6 жаңа мамандық ашылды: "Автомобиль көлігіне техникалық қызмет көрсету, жөндеу және пайдалану" мамандығы бойынша мехатроник; көпірлер мен көлік тоннельдері; электромеханикалық жабдық; медициналық техниканы монтаждау, техникалық қызмет көрсету және жөндеу; кітапхана ісі; энергоменеджмент», - делінген хабарламада.

Сондай-ақ колледждер базасында үш ресурстық орталық ашу жоспарлануда. Орталықтарда тұрғын үй-коммуналдық шаруашылық, өнеркәсіптік және азаматтық құрылыс, металл өңдеу сияқты салалардағы мамандарды даярлау жүргізіледі.

Ақпаратқа сәйкес, биыл оқу-материалдық базаға 182 млн теңге бөлінген.

Бүгінде 34 колледждің 18-інде дуалды оқытудың нгізгі принциптері енгізілген, ол 1048 білім алушыны қамтиды.

Бұдан бөлек, тағы 9 колледжде дуалды оқытуды енгізу жоспарлануда.